Mans arriba. Isto é unha Aperta!

O 16 de febreiro vimos de celebrar o día dos abrazos. Todos os membros do cole fixemos cadansúa chapa, escollendo un dos seguintes debuxos relacionados co traballo deste proxecto.

Esta iniciativa, que partía do Equipo de Dinamización da Língua Galega, consistía en atopar compañeiros que levasen a mesma chapa que a túa, e agasallarse cun abrazo.

Foi un día moi divertido, no que o que máis e o que menos se deixou mimar cunha agarimosa aperta.